Kontak ons by | Contact us at nalize.boshoff@gmail.com

Benita Kroukamp

Benita Kroukamp

Lynnmen

Hoërskole: AFFIES: AHS, AHM
Laerskole: Lynnwood, Menlopark

Alliepad: Voorskool tot Graad 11

En hier kom my liefde vir kinders en my passie vir Wiskunde toe bymekaar uit!!

Ek is ‘n gebore en getoë Pretorianer, wat my B.Prim.Ed (Junior Primêr) graad met Wiskunde III op die destydse RAU  (Universiteit van Johannesburg) verwerf het. Ek het ook B.Ed gedoen, en daarna begin skoolhou by Hoërskool Overkruin, en later ook vir ‘n kort rukkie by Hoërskool Waterkloof.

Nadat ek my ander helfte, Fanie ontmoet het en getroud is, en ons kinders (Stephan en Marlise) nog voorskool was, het ek  voltyds Wiskunde ekstra klasse vir hoërskoolleerlinge  by my huis aangebied. Ek het ervaar hoe lekker dit is om individueel en /of in klein groepies  kinders te help om hul Wiskunde vrese te oorkom.

Vanaf 2003-2007 het ek by Laerskool Lynnwood gr.7 Wiskunde onderrig. Vanaf 2009 is ek ook die area-organiseerder van die nasionale AMESA Wiskunde kompetisie(s) wat deur meeste skole geskryf word. Ek het ook die AMESA TjommE klub begin by l/s Lynnwood, waar ons fokus op al die “slimkoppe” en hulle uitdaag met lekker kopkrappers en voorberei vir die verskeie kompetisies waaraan die skool jaarliks deelneem.

Ek kan met alle eerlikheid sê dat ek SommE eet, leef en praat. Ek is so dankbaar dat ek hierdie geleentheid gekry het om ‘n verskil te probeer maak in TjommE se lewens! Ek stel regtig belang in elke kind as totaliteit en ook sy/haar emosionele belewenis van die SommE!!

“Benita is ons Bom Tjom!!!!! Sy is een van ons vroegste franchisees.

Daar is net mooi niks in hierdie besigheid wat sy nie uiters bekwaam hanteer nie. Sy is ‘one of a kind’. Sy werk netjies met ouer, kind, onderwyser en tutor. Sy is suiwer Tjom en haar ♥ klop SommE!” – Nalize Boshoff, programontwikkelaar

  • 083 599 0722