Kontak ons by | Contact us at nalize.boshoff@gmail.com

UNIEKE DIENS

Ons Wenresep

By TjommE met SommE glo ons dat elke kind wat ons teëkom se behoeftes effektief aangespreek moet word. Ons wenresep word toegeskryf aan die kwaliteit van ons onderrig en die passie van ons span. Daarmee saam is die program gepas vir enige kind en bied ons individuele lesse sowel as kleingroepe met ‘n maksimum van 10 TjommE aan.

Ons Passie

By TjommE met SommE is ons van mening dat elke kind KAN; elke kind het die potensiaal om ‘n gemakliker greep op Wiskunde te kry. Nie elkeen kan 80% kry nie, maar elkeen kan beter verstaan as wat hy tans doen. En iemand wat 80% kry het weer die potensiaal om na 90% te strewe.

Ons Tutors

Ons streef daarna om Wiskunde vir elke kind te ontsluit – hul passie aan te wakker en die vak prakties, kreatief en verstaanbaar te maak sodat hulle dit wil doen eerder as moet doen. Ekstra klasse word aangebied deur ons bekwame tutors, elkeen opgelei om ‘n verskil te maak.

Hoe werk dit?

Ons fokus daarop dat elke leerder eers verstaan en daarna herhaal. Vir die aanvanklike begrip maak ons gebruik van eenvoudige konkrete hulpmiddele – die kind moet die essensie verstaan. Die vraag wat hy vir homself moet kan beantwoord is: Wat is die belangrikste om oor hierdie konsep te weet? Hoe gaan dit in die eksamen gevra word? Ons som dit vir hom op “in ‘n neutedop”. Eers nadat hy verstaan, begin ons herhaal.

Ons maak dikwels gebruik van lekker speletjies wat die “angel” uit die vak haal. Die kinders geniet hulle gate uit en kom nie agter hulle is eintlik besig om te leer (en te herhaal) nie. Nadat ons seker is die kind snap die essensie, doen ons oefeninge om dit in te skerp. Hulle het die geleentheid om dadelik te vra as hulle vashaak en ook om ‘n insig te deel waarby die res dan ook baat. Hier is nie sprake van self sukkel nie. Dit is ‘n kwessie van saam te ontdek en al beter te verstaan (NADAT die kern reeds vir hulle opgesom en verduidelik is).

Die klasatmosfeer is ontspanne en die leerders ontwikkel die vrymoedigheid om te vra as hulle nie verstaan nie, of te sê as hulle verskil.

Ons doelwit is dat die leerder so opgewonde sal raak as hy agterkom dat hy verstaan, dat hy self meer sal wil weet en mettertyd selfwerksaam raak. Want Wiskunde IS ongelukkig ‘n kwessie van herhaling. Wiskunde MOET geoefen word (dus ja – ‘n mens moet leer vir Wiskunde).


 

Ons Benadering

Ons differensieer tussen 3 verskillende groepe op grond van potensiaal:

Verrykingsklasse

Verrykingsklasse

Hierdie klasse word aangebied vir die presteerders: die slimkoppe wat reeds BAIE goed presteer en ekstra stimulasie sal waardeer (tipies die outjies wat 80%-90% kry).

Ons Klasse

Onderpresteerders

Onderpresteerders

Hierdie klasse is ontwikkel vir die wat beter kan doen – die gemiddeldes, vir wie ‘n klein bietjie esktra moeite ‘n groot verskil kan maak.

Ons Klasse

Die wat sukkel

Die wat sukkel

Vir hulle wat dink Wiskunde is aaklig.

Ons Klasse

Wat maak ons anders

Ons sukses word daaraan toegeskryf dat ons ‘n unieke benadering het
om ‘n verskil te maak met elke les.

1

Tutors wat omgee

Elkeen van ons tutors en franchisees is ervare, passievol en opgelei om die beste diens moontlik te lewer. Ons program is noukeuring uitgewerk en elke les word deeglik beplan.

 

2

Ons werk konkreet

Ons gebruik nie ‘n rekenaarprogram of sit ‘n kind voor die rekenaar om hulself te leer nie. Ons werk met konkrete voorraad en verseker dat kinders hoor, sien, voel en verstaan.

 

3

Ons differensieer

Ons glo nie in ‘n “one size fits all” benadering nie. Ons gee elke kind die geleentheid om sy/haar potensiaal te ontsluit en hul doelwitte te bereik. Ons vorm klein homogene groepies wat ‘n positiewe leeromgewing skep.
4

Almal is welkom

Ons program se aard maak dit maklik om ‘n kind van enige vaardigheidsvlak te akkommodeer: van kinders wat mal is oor Wiskunde tot die wat regtig sukkel – elkeen kan baat vind by ons program.

 

5

Ons begin vroeg

Ons bied klasse reeds vanaf voorskool aan vir grade 000, 00 en R. Kinders wat vroeg reeds speel-speel blootgestel word aan Wiskunde het ‘n besliste voorsprong.

 

6

Ons werk met slimkoppe

Ons fokus daarop om kinders wat reeds lief is vir die vak uit te daag sodat hulle nie belangstelling verloor nie. Ons leer hulle om verder te dink, wyer te ontdek en hul potensiaal te rek.